لقاء على الهوا سنة 2100

موضوع: لقاء ع الهوا 28.02.09 8:30

لقاء على الهوا سنة 2100 يا ترى ايه شكل الحياة فى المستقبل ؟؟ فكرة جت على بالى ،، قولت اعرضها على الموقع فى قناة مولتى للمنوعات ( تردد 21541 افقى مائل – عرب سات) المذيعه استضافت شاب (ما شاء الله ) فوق التسعين الساعه 12 بليل سنة 2100 للأسف مفيش صورة ولا صوت ،، لأنهم فى 2100 كانوا متقدمين اوى عننا دلوقتى فتعذر نقل الصوت او الصورة ،، نقلنا الكلام مكتوب ... المذيعه : هااااى ممكن اتعرف عليك؟ المواطن الشاب : انا اسمى الدمرانى. المذيعه : برنامجنا اسمه ( ايام زمان ) ممكن تحكلنا على ايام زمان بتعتك....؟ممكن ياعم .....اسفه اسمك ايه؟ المواطن : اسمى (على الدمرانى) المذيعة: اوكى اتفضل اقعد ياحج محمد؟ المواطن الشاب : اه ه ه ه ايام زمان.. ايام الاحترام والاصاله والجدعنه ايام بقى ربنا ميرجعها خالص..., طب ده انا مثلا فاكر من حوالى 40 - 45 سنة كدة كان الواحد مننا ياخد من ابوه المصروف10او 15 جنيه فى اليوم وكانوا بيكفونى ومبفتحش بقى الله يكون فى عوننا... .ده انا فاكر ان عمرى ما ناقشت بابى الدمرانى الله يرحمه فى المصروف زمان الواحد كان محترم في لبسه كان الولد لابس البادي الكات والبنطلون النجر او البنطلون الجينز الديرتى المقطع و خلاص.....والبنت تلاقيها ماشية باحترامها لابسة المينى جيب والبادي الضيق او البادى الاستوماك و خلاص .لكن لبس اليومين دول....مايتوصفش....اجارك الله المصاريف كانت محدودة ...فين ايام ما كيلو اللحمة كان بـ 45 جنية بس اه ه ه ه ............كانت ايام ،، وبعدين زمان كانت ابواب البيوت تتقفل من بدري يعنى الساعة 4 الفجركدة وكانت الابهات ليهم شنة و رنة.... زمان كنا بنذاكر على الاغانى الطربية الاصيلة فين ايام اغانى زى بحبك يا حمار و العنب العنب العنب لكن اغانى اليومين دول لا ليها طعم ولا لون و الكلمات بقت مبتذلة ومالهاش معنى طب بذمتك كدة قارنى بين مطربات زمان زى الست روبى و الست دانا و الست هيفا و لا شاعر القومية العربية ..المناضل الاستاذ/ شعبان عبد الرحيم لكن مغنيات اليومين دول بيعتمدوا على جسمهم و على المسخرة ،، فين ايام الفن الاصيل زمان كانت البنت لما تقابل صاحبهااللى بقى لها كتير ماشفتهوش تبوسه وخلاص مش زى بنات اليومين دول قلالات الادب وبعدين زمان بصراحة بقى :: كانت المذيعة تقعد قدام الضيف او جنبه مش على رجله زي ما انتى عاملة كدة !! المذيعه : ياه ه ه ه ،، فين ايام زمان (( قول للزمان ارجع يازمان

شكرااااااا

اكثر من رائع
شكرا لك يا مبدع