عدد الرسائل : 21 نقاط : 2 تاريخ التسجيل : 26/02/2009
موضوع: قصة حلوة ياريت تعجبكم0000 الأحد مارس 08, 2009 3:29 pm
الزمان : من كام يوم
المكان : واحد واقف بالعربية فى الشارع بالليل و الجو
برد والدنيا بتمطر ، ويوم أساسا مش باين له شمس !
الوصف : واحد قاعد مع أصحابه وسارقين
wireless من واحد غلبان ، وكمان كان لسه سايب
صاحبته الصبح ومش طايق أى بنى آدم !!
فجأة لقى واحدة عامله له add على ال
facebook ... بصراحه شاف صورتها و
البروفايل بتاعها عجبه ، فكلمها و اخده الايميل بتاعها
وده كان أول حوار على الماسنجر
ابقوا معنا
هو : هاى
هى : هاى
هو : على فكرة اسمك ده اكتر اسم بنت بموت فيه
هى : ميرسى ربنا يخليك
هو : لأ ميرسى ايه .. وإحنا فيه بيننا الكلام ده ولا إيه ؟ ... ده أنا حتى أول ما شوفت صورتك حسيت إننا هنبقى أصحاب جامدين أوى
هى : إنت شكلك مصاحب مصر كلها بكلامك الجامد ده
هو : أنا ؟ .. لا إزاى دى حتى مصر كلها حاجة وانتىحاجة تانية خالص
هى : مش بقول لك إدينى فرصة بقى من الكلام الحلو ده وقول لى إنت عندك كام سنة ؟ .. وبتدرس إيه ؟ .. وساكن فين وكده ؟
هو : أنا عندى 19 سنة .. وفى كلية تجارة .. وساكن فى مدينة نصر .. وإنتى ؟؟
هى : أنا 17 سنة ... وفى ثانوية عامة .. وساكنة برده فى مدينة نصر
هو : بجد ؟؟!
هى : بجد .. بس خلى بالك أنا مليش فى حوارات الأرقام و الخروج وكده
هو : لا لا مش قصدى خالص بس ده إحنا كده طلع لنا جيران زى القمر ( قال يعنى مش قصدى )
هى : ميرسى إنت كلامك بجد مش عارفة أقولك إيه بس
هو : لأ ده انا مبسوط بجد إنى قابلت حد جميل زيك كده فى اليوم العجيب ده !!!
هى : ليه بس ماله اليوم ؟؟
هو : أهو ...لسه سايب صاحبتى النهارده الصبح
هى : بجد ؟؟! ...ليه بس كده ؟؟ ( بتقولها وهى هتموت من الفرحة من جواها )
هو : أهو مليش نصيب معاها وطلعت مش كويسة واتخانقنا وسيبنا بعض
هى : لأ ... معلش أكيد هتلاقى أحسن منها ( أنا يا عبيط يعنى )
هو : لأ أنا خلاص قرفت أوى من حوار الصحاب البنات دول ... كل واحدة اعرفها ألاقيها عارفه ييجى 100 ولد .. وكل واحد يقولها كلمة حلوة تفتكره بيحبها و تحبه ... وأنا زى ال.... ولا عارف أى حاجة ... ولما أعرف أبقى هموت طبعا
هى : لأ بس مش كل البنات كده
هو : حظى بقى أعمل إيه ( أراهنك إنها هتقول لى جرب حظك معايا بس مش بصراحه كده )
الأحد مارس 08, 2009 3:29 pm
